saxafiyiinta ka hawlgala kuwa qaranka ee kala duwan, waxa ay la kulmaan hanjabaado in shaqada laga joojidoono iyo in haddaba wararka iyo barnaamijyada ay soo diyaariyaan aad loo-faaf-reebo, lagana hurgufo waxybaabo laga baqayo in ay siyaasiyan waxyeesho xukumada Kulmiye ee Siilaanyo hago. Heerka gacan ku haynta iyo faafreebka aan xadka lahayn oo aan ku koobnayn idaacad iyo tv qaranka ayaa hadda maraya heer la faafreebo xubno isla xukumada iyo xusbiga Kulmiye ka mid ah oo loo arko in ay ka raad-baydheen inta ku dhadhow madaxtooyada ee iyagu u heelan in bustaha laga saaro oo indhaha iyo dhagah bulshada Somaliland aanay arag ama maqlin dhaliisha siyaasadeed ee ku wajahan Xukumada.
Tusaale ahaan, waxa dhawaan kulan balaadhan iskugu yimid saddexda xusbi qaran ee Somaliland, kuwaas oo ku heshiiyey in la soo afjaro murankii siyaasadeed ee ku aroorayey in la qaban karo dood-qaran iyo kale, kulankaas kadib waxa ay saxaafada la horyimaadeen in ay doodii-qaran ku wareejiyeen hay’ada cilmi-baadhista Somaliland oo ay iyadana maxdeeda sarsare kulankaas ku weheliyeen xusbiyada. Warkan waxa sida idaacadaha madaxa banana laga siidaayey radio Hargeysa iyo TV Qaranka, hase haatee maalmo kadib waxa soo baxay in aan madaxtooyada laga soo dhaweyn kulankaas lagu shaaciyey in dood-qaran la qabanyo, waxaana isla wariyihii iyo masuulkii ogolaaday in TV Qaranka warkaas laga sii daayo laagu hanjabay in aanu ‘waxaas oo kale siidayn’ haddii uu markale siidaayo xilka waayidoono, waxana lagu wargaliyey in ay aad ugu fiirsadaan wararka ay siidaynayaan gudoomiyaha Kulmiye Muuse Biixi Cabdi iyo Maxamed Kaahin Axmed, oo xukumada Siilaanyo ku raacsanayn go’aankii ay mucaaridka la qaateen ee dooda-qaran.
Ogow faafreebkii lagu hayey wararka xusbiyad mucaaridku isla xusbigii iyo xukumadii la isku tirinayey ayaa ay saamaysay, waayo sobobtu waa furfurnaan la’aan siyaasadeed oo baqo ku jiro oo heerkaa gaadhsiiyey in xukumadu xusbigeedii ku samayso faaf-reeb.
Waxa xusidmudan in warbaahinta qaranku wada lee yahay, sida TV Qaranka oo magaciisuba uu ku jiro erayga Qaran, in ay iyaguna xusbiyada mucaaridku uga hadheen xukumada Siilaanyo ee garanaysa mucaarid waxa uu mudan yahay si loo helo dumuquraadiyad taama oo Somaliland ka hirgasha. Garashadaas oo ay is-diidsiinayso ama aanay u lahayn geesinimo ay ku aqbasho badalka wixii ay soo mudatay xiligii ay mucaaridka ahayd.
Markase la isku soo duubo, qaabka uu wax u baahiyaan TV Qaranka iyo Radio Hargeysa oo ah labada saamaynta weyn ku leh bulshada daawata ama dhageysata, waxa ay dhamaan qayb laxaadleh ka qaataan koboca mucaaridada xukumada Kulmiye ee Siilaanyo hagayo, waxaana soo korodhay aaminaad kabax wararka ay baahiyaan oo dhamaan xiliyada wax oogan yihiin laga qariyo bulshada Somaliland ee moodaysa in TV iyo idaacada Qaran oo ay ahayd in ay dhex ka ahaadaan siyaasada iyo siyaasiga kala jiidanaya bulshada horeba nidaamka xusbiyada ee ku dhisan mucaarid iyo muxaafid ay isku dhageystaan.
Waxase marag ma doon ah in TV Qaranku kow ka yahay kobinta mucaaradada sii xoogeysanaysa ee ku wajahan xukumda Siilaanyo oo si cad u burisay balanqaadkii ay umadda u gashay ee ahaa in ay xoojintoonto saxaafada xorta ah , ta qarankana aanay ahaandoonin sidii tii UDUB, balse taa badalkeeda noqotay xukumadii dagaalka ugu balaadhan ku qaatay saxaafadii u hiilisay xiligii ay ku mucaaridaysay UDUB oo ay maanta iskaga xusul-duubtay saxaafada qaranka ee TV Qaranku ka kow yahay. Barina maxay inoo sheegi, maantaba waxay beeniyeen waxay shalay inoo sheegeen, waxayna galeen halkii UDUB iyo xukumadii Riyaale iyo siday ku ahaayeen mucaaridkii shalay ee Kulmiye kow ka yahay. Maamulka TV Qaranka ee Hargeysa oo ah xudunta baahintiisu qaabkan uu u wado waa ka difaac laakiin waxaanu dareensanayn in ay sumacada xukumada ay isle yihiin ku difaaca u soo jiidayaan mucaaradad badan leh meelo kale oo ay ka helaan wararka ay bustaha saarayaan, kuwaas oo ka badan shaashada kaliya ee TV Qaranka .
Hadhwanaag,Office
London, UK
